ठाकुरराम क्याम्पसको मतगणना रोकियो, विद्यार्थीद्वारा टायर बालेर प्रदर्शन
-
अशोक यादब
- today८ चैत्र २०८१
वीरगञ्ज । वीरगञ्जको ठाकुरराम बहुमुखी क्याम्पसको मतगणना रोकिएको छ । मतगणना रोकिएपछि विद्यार्थीहरुले टायर बालेर प्रदर्शन गरेका छन् ।
सिलबन्दी नम्बर मेल नखाएपछि उत्पन्न विवादका कारण वीरगञ्जको ठाकुरराम बहुमुखी क्याम्पसको मतगणना रोकिएको हो । जारी स्ववियु निर्वाचनको मतगणना बिहीबार दिउँसो २ बजे पछाडि अवरुद्ध भएको निर्वाचन समितिको कार्यालयले जनाएको छ ।
मतगणना रोकिएपछि विद्यार्थीहरुले क्याम्पस अगाडि नाराबाजी गर्दै टायर बालेर प्रदर्शन गरेका हुन् । विद्यार्थीहरुले तत्काल मतगणना सुचारु गर्न माग गरेका छन् ।
