राष्ट्रिय लोकतान्त्रिक अपाङ्ग संघको पहिलो महाधिवेशन चैत ८ र ९ मा हुने
-
कृष्ण प्रसाद शर्मा
- today३ चैत्र २०८१
काठमाडौं । नेपाली कांग्रेसको भातृ संस्था राष्ट्रिय लोकतान्त्रिक अपाङ्ग संघले पहिलो महाअधिवेशन चैत्र ८ र ९ गते गर्ने भएको छ ।२०६३ सालमा गठन भएको संस्थाले १८ वर्षमा पहिलो महाअधिवेशन गर्न लागेको हो । आइतबार पत्रकार सम्मेलन गरेर प्रचार संयोजक माधव चौलागाईंले देशभरबाट एक हजार बढी प्रतिनिधि सहभागी हुने जानकारी गराए ।
केन्द्रीय कार्यालय सानेपामा हुने पहिलो महाधिवेशनको उद्घाटन पार्टी सभापति शेरबहादुर देउवाले गर्नेछन् ।महाधिवेशनमा नेपाल सरकारले गरेको वर्गीकरण अनुसारका १० प्रकारका अपाङ्गता भएका व्यक्तिहरू सहभागी हुने चौलागाईंले जानकारी गराए । विधान अनुसार लोकतान्त्रिक अपाङ्ग संघमा ५१ सदस्यीय केन्द्रीय समिति हुने व्यवस्था छ ।
३९ जना निर्वाचित र १२ जना मनोनित हुने विधानको व्यवस्था छ । महाधिवेशनका केन्द्रीय सदस्य मधु आचार्यको संयोजकत्वमा केन्द्रीय सदस्यद्वय मदनकृष्ण श्रेष्ठ र सरस्वती बजिमय सदस्य रहनेगरी ३ सदस्यीय निर्देशन समिति गठन गरेको छ ।
