सुन तस्करीको आरोपमा बाराका युवक पक्राउ

बिशाल यादब
today१२ फाल्गुन २०८१

वीरगञ्ज । बाराको कोल्हवी नगरपालिका–५ निवासी ३३ वर्षीय जस जोशी चौधरी ४३ ग्राम सुनसहित पक्राउ परेका छन् । मकवानपुरको प्रहरी चौकी रातोमाटेबाट खटिएको प्रहरी टोलीले विशेष सूचनाको आधारमा उनलाई हेटौँडा–१५, रातोमाटे क्षेत्रबाट पक्राउ गरेको हो ।

प्रहरीका अनुसार पूर्व–पश्चिम राजमार्गमा कोल्हवीबाट नारायणघाटतर्फ जाँदै गरेको ना.५ ख ५१२९ नम्बरको बस रोकेर जाँच गर्दा चौधरीको साथबाट ४३.३८ ग्राम सुनजस्तो देखिने पहेँलो धातु बरामद भएको छ । बरामद भएको उक्त धातुको आजको बजार मूल्य ६ लाख ३५ हजार २२६ रुपैयाँ रहेको प्रहरीले जनाएको छ ।

पक्राउ परेका चौधरीलाई आवश्यक कारबाहीका लागि राजस्व अनुसन्धान कार्यालय, पथलैयामा पठाइएको जिल्ला प्रहरी कार्यालय मकवानपुरले जानकारी दिएको छ ।

;