पेस्तोलसहित दुई भारतीय युवक पक्राउ
-
बिशाल यादब
- today१२ फाल्गुन २०८१
वीरगञ्ज । मकवानपुरको हेटौँडाबाट पेस्तोलसहित दुई जनालाई पक्राउ गरेको छ । हेटौँडा–१५, रातोमाटेस्थित चेकपोस्टबाट एक थान पेस्तोल र ९ मिलिमिटरको ३ राउन्ड गोलीसहित २ जना भारतीय नागरिकलाई प्रहरीले पक्राउ गरेको जिल्ला प्रहरी कार्यालय मकवानपुरले जनाएको छ ।
पक्राउ पर्नेमा भारतको बिहार राज्यको सिहुहर जिल्ला धनहरा ग्रामका २२ वर्षीय धिरजकुमार र मोतिहारी जिल्ला बहरी ग्रामका २६ वर्षीय दीपककुमार रहेको प्रहरीको भनाई छ । गौरबाट चितवनतर्फ जाँदै गरेको ना ८ ख ८७७३ नम्बरको बसलाई चेकजाँच गर्ने क्रममा उनीहरूको साथबाट पेस्तोल र गोली बरामद भएको जिल्ला प्रहरी कार्यालय मकवानपुरका प्रमुख, प्रहरी उपरीक्षक विश्वराज खड्काले जानकारी दिए ।
उनीहरूको विषयमा थप अनुसन्धान जारी रहेको उनले बताए ।
