९० लाखको लगानीमा कलैयामा ‘क्यारियर फिटनेस हब सेन्टर’ सञ्चालन
-
बिशाल यादब
- today१२ फाल्गुन २०८१
बारा । बाराको कलैया उपमहानगरपालिकामा नयाँ जिम क्लब ‘क्यारियर फिटनेस हब सेन्टर’ सञ्चालनमा आएको छ । सञ्चालक राहुल अग्रहरीद्वारा स्थापना गरिएको फिटनेस सेन्टर ९० लाखको लगानीमा निर्माण भएको हो । आइतबार, जिम क्लबको उद्घाटन कलैया उपमहानगरपालिकाका पूर्व नगरप्रमुख एवं नेपाली काँग्रेस बारा सभापति राजेश राय यादवद्वारा गरिएको थियो । उद्घाटन समारोहमा स्थानीय जनप्रतिनिधि, व्यवसायी, खेल प्रेमी युवा तथा फिटनेस प्रेमीहरूको उत्साहजनक उपस्थिति रहेको थियो ।
सञ्चालक राहुल अग्रहरीका अनुसार कुनै पनि समय आएर व्यायाम गर्न सहज बनाउन बिहान ५ बजेदेखि राति ८ बजेसम्म क्लब खुला रहने छ । ‘फिटनेस क्लबले सबै उमेर समूहका व्यक्तिहरूको स्वास्थ्य सुधारमा महत्त्वपूर्ण योगदान पुर्याउनेछ,’ अग्रहरीले भने । कलैया उपमहानगरपालिका – १ को वडा कार्यालय नजिकै अवस्थित क्लब नवीनतम प्रविधि र आधुनिक डिजाइनमा निर्माण गरिएको छ । क्लबमा वेट गेन एन्ड वेट लस, वेट लिफ्टिंग एन्ड पावर लिफ्टिंग, फिटनेस ट्रेनिङ एन्ड वेट ट्रेनिङ, डाइट एन्ड न्यूट्रिशन गाइड, कार्डियो अभ्यास जस्ता सेवाहरू उपलब्ध छन् ।
फिटनेस क्लब सञ्चालनमा आएपछि व्यायाम प्रेमीहरूको सङ्ख्या दिनप्रतिदिन बढिरहेको छ । उद्घाटन समारोहमा बोल्दै सभापति राजेश राय यादवले जिम सेन्टरले युवाहरूको स्वास्थ्य तथा खेलकुदमा टेवा पुर्याउने विश्वास व्यक्त गरे ।
