मौलापुर मधानी महायज्ञले नेपाल-भारत सम्बन्धलाई थप मजबुत बनाउने : मन्त्री तिवारी
-
कृष्ण प्रसाद शर्मा
- today१२ फाल्गुन २०८१
रौतहट । मधेस प्रदेशको शिक्षा तथा संस्कृति मन्त्री मा. रानी शर्मा तिवारीले मौलापुर मधानी महायज्ञले धर्म, संस्कृतिको संरक्षण हुनुको साथै भारत -नेपाल दुई देशको बेटि रोटीको सम्बन्ध अझ बलियो बनाउने विश्वास व्यक्त गरेकि छन् । रौतहटको मौलापुरमा आइतबार देखि शुरु मधानी महोत्सवको विधिवत उदघाट्न गर्दै मन्त्री तिवारीले सो कुरा बताएकी हुन् ।
मन्त्री तिवारीले -"भगवान शिव र पार्वतीको विवाह उत्सवको रुपमा मनाईने मधानी महायज्ञको आयोजना मौलापुर नपाले गर्दैछ ,यो गौरबको बिसय हो ।" नेपाल र भारतका लाखौं दर्शनार्थीहरुको भिड हुने कुरा सुन्दै छु। यसबाट व्यापार, व्यवसाय समेत बढने भएकोले यस महायज्ञलाई भब्यताका साथ सम्पन्न गराउन हामि सबैको दायित्व भएको बताइन् । यसैगरी साक्षारता अभियानले मौलापुरको गौरब बढाएको बताउदै मन्त्री तिवारीले मेयर रिना साहले शिक्षा क्षेत्र सुधारका लागि गरेको मेहनत र लगानीको जति सराहना गरेपनि कम हुने बताएकि छन् ।
मौलापुर हरेक क्षेत्रमा सराहनीय काम गरिरहेको छ, शुन्य कर नीतिदेखी लिएर, शिक्षा, स्वास्थ्य, यातायात लगायतका क्षेत्रमा नगरपालिकाले गरिरहेको काम उदहरणीय रहेको बताउदै मन्त्री तिवारीले मौलापुर नपाको शिक्षाक्षेत्र सुधारका लागि आउने बजेटमा प्रभावकारी र ठोस कदम चाल्ने प्रतिबद्धता समेत व्यक्त गरेकि छन् । मन्त्री तिवारीले -"मौलापुर मात्रै होइन मधेस प्रदेश भरीको शिक्षण संस्थालाई सुधार्न विद्यार्थी अनुपातमा बिसयगत शिक्षकको ब्यबस्था ,भौतिक सामाग्री सुधार र आपुर्ती ,एसईई लगायत विभिन्न परिक्षालाई थप ब्यबस्थित र मार्यादित बनाउन के - के गर्न सकिन्छ सबै विषय प्रति आफु गम्भीर रहेको बताइन् ।
