पर्सामा तिलावे नदीमा अज्ञात महिलाको शव फेला, हत्या गरिएको आशंका
-
बिशाल यादब
- today१० फाल्गुन २०८१
पर्सा जिल्लाको बहुदरमाई नगरपालिका-४ डोकैला बहुअरीस्थित तिलावे नदीमा एक अज्ञात महिलाको शव फेला परेको छ।प्रारम्भिक अनुसन्धानका क्रममा महिलाको ढाडमा जुत्ता बाँधेर नदीमा फालिएको आशंका गरिएको छ, जसले हत्या गरिएको संकेत गर्दछ।
घटनाको जानकारी पाएपछि प्रहरी टोली घटनास्थलमा पुगेको छ र अनुसन्धान अघि बढाइएको छ। शवको पहिचान तथा घटनाको कारण पत्ता लगाउन आवश्यक प्रक्रिया अगाडि बढाइएको प्रहरीले जनाएको छ।
यस घटनाले स्थानीयहरूमा त्रासको वातावरण सिर्जना गरेको छ। प्रहरी स्रोतका अनुसार घटनाको गम्भीर अनुसन्धान भइरहेको छ र दोषीलाई कानुनी कारबाही गरिने प्रतिबद्धता व्यक्त गरिएको छ।
