विहे भोजमा गएका युवकको हत्या, तीन जना पक्राउ
-
मेराज हास्मी
- today१० फाल्गुन २०८१
बाजुरामा बिहे भोज खान गएका एक युवकको हत्या भएको छ। बिहीबार बाजुराको बूढीगंगा नगरपालिका-८ मा भोज खान गएका २९ वर्षीय रणवीर थापाको हत्या भएको हो। हत्या गरिएका रणवीर वडा नम्बर ८ का हुन्। बिहीबार राति ११ बजे भोज खाने क्रममा विवाद भएपछि झगडा हुँदा उनको हत्या भएको बाजुराका दिलिपकुमार गिरीले जानकारी दिए।
उनीमाथि मुसल प्रहार भएको डिएसपी गिरीले जानकारी दिए। हत्यामा संलग्न भएको आरोपमा बूढीगंगा-७ का २५ वर्षीय खेमराज विष्ट, २७ वर्षीय लोकेन्द्र खड्का र २२ वर्षीय दीर्घ विष्ट पक्राउ परेका छन्। दुई जनालाई गाउँमै लुकिछिपी बसिरहेको अवस्थामा एक जनालाई साफेबगरबाट शुक्रबार पक्राउ गरिएको डिएसपी गिरीले जानकारी दिए।
हत्या भएका युवक र पक्राउ परेका युवहरू एकअर्का चिनजानका रहेको पनि बताइएको छ। घटनाबारे थप अनुसन्धान भइरहेको डिएसपी गिरीले जानकारी दिए।
