१ अर्ब ६४ करोड रुपैयाँ बराबरको सिमेन्ट निर्यात
-
मेराज हास्मी
- today१० फाल्गुन २०८१
काठमाडौँ । चालु आर्थिक वर्षको माघ मसान्तसम्ममा १ अर्ब ६४ करोड १० लाख ३९ हजार रुपैयाँको ११ लाख ५३ हजार ४१० मेट्रिक टन सिमेन्ट र क्लिङ्कर निर्यात भएको छ । पुस मसान्तसम्ममा १ अर्ब ३७ करोड ९० लाख ७७ हजार रुपैयाँको सिमेन्ट र क्लिङ्कर निर्यात भएको थियो ।
यसअनुसार एक महिनामै २६ करोडभन्दा बढीको सिमेन्ट निर्यात भएको छ । माघ महिनामा मात्रै २६ करोड १९ लाख ६२ हजार रुपैयाँको सिमेनट र क्लिङ्कर निर्यात भएको भन्सार विभागको तथ्यांकमा उल्लेख छ । यसमध्ये ५५ करोड १५ लाख १ हजार रुपैयाँको ४ लाख ६४ हजार ७७७ मेट्रिक टन क्लिङ्कर निर्यात भएको छ । यस्तै १ अर्ब ८ करोड ९५ लाख ३७ हजार रुपैयाँको ६ लाख ८८ हजार ६३२ मेट्रिक टन सिमेन्ट निर्यात भएको छ ।
