नयाँदिल्लीमा ४ म्याग्निच्युडको भूकम्प, सतर्कता अपनाउन प्रधानमन्त्री मोदीको अपिल
-
बिरेन्द्र यादब
- today५ फाल्गुन २०८१
वीरगञ्ज । सोमबार बिहान भारतको नयाँ दिल्लीमा ४ म्याग्निच्युडको भूकम्प आएको छ । भूकम्प बिहान ५ बजेर ३६ मिनेटमा गएको हो, जसको केन्द्र जमिनमुनि करिब पाँच किलोमिटर गहिराइमा रहेको बताइएको छ । भूकम्पको झट्का महसुस भएपछि भारतका प्रधानमन्त्री नरेन्द्र मोदीले नागरिकलाई सुरक्षा सतर्कता अपनाउन अपिल गरेका छन् र सुरक्षा अधिकारीहरूलाई निगरानी थप कडा पार्न निर्देशन दिएका छन् ।
दिल्ली प्रहरीले भूकम्पबाट कुनै ठूलो क्षति नदेखिएको र सबै जना सुरक्षित रहेको जानकारी दिएका छन् । आपत्कालीन सहयोगको आवश्यकता परेमा ११२ नम्बरमा फोन गर्न अनुरोध गरिएको छ । दिल्लीकी पूर्व मुख्यमन्त्री आतिशी सिंहले पनि एक्स (ट्विटर) मा लेख्दै, दिल्लीमा ठूलो धक्का महसुस भएको बताइन् र सबैको सुरक्षा लागि भगवान्सँग प्रार्थना गर्ने कुरा उल्लेख गरिन् ।
