खानेपानी पाइप फुटेर जलमग्न वन परिसर र विशेष अदालतको सरसफाइ
-
संजय कुशवाहा
- today१ फाल्गुन २०८१
काठमाडौँ । नेपाल बिद्युत् प्राधिकरणले बिद्युतका तारहरू अन्डर ग्राउन्ड गर्नका लागि होरीजोन्टल ड्रिलिङ गर्ने क्रममा बुधवार बबरमहलमा रहेको खानेपानीको थोक वितरण प्रणालीको फुटेको पाइप मर्मत कार्य सुरु गरिएको छ ।खानेपानी मन्त्री प्रदीप यादवको निर्देशन पश्चात् उक्त फुटेको काठमाडौँमा वितरण गरिने थोक प्रणालीको पाइप गए रातिदेखि मर्मत गर्ने कार्य सुरु गरिएको काठमाडौँ उपत्यका खानेपानी लिमिटेड (केयूकेएल) का प्रमुख कार्यकारी निर्देशक अशोककुमार पौडेलले जानकारी दिए ।
उनले भने, ‘पाइप फुटेपछि पानी पुरै बगेर बबरमहल जलमग्न भएको थियो । पानी बन्द भएपछि गए रातिबाट हामीले मर्मतको कार्य सुरु गरेका छौँ । मर्मत कार्य सकिएपछि पानी वितरण प्रक्रिया सुरु गर्नेछौँ ।’ बिद्युत् प्राधिकरणले मन्त्रालय तथा मातहातका निकायसँग समन्वय नगरेका कारण बबरमहल क्षेत्रमा खानेपानीको पाइप फुटेर क्षति भएको खानेपानी मन्त्री यादवले बताउँदै आएका छन् ।
विद्युत्का तारहरू अन्डर ग्राउन्ड गर्नका लागि होरीजोन्टल ड्रिलिङ गर्ने क्रममा बबरमहलमा रहेको खानेपानीको थोक वितरण प्रणालीको पाइप फुटेपछि पानी जमेर जलमग्न भएको र विशेष अदालत सहितका सरकारी कार्यालयमा पानी पसेर क्षति गरेको थियो । अहिले अदालत र वन कार्यालय परिसरको सरसफाइ कार्य पनि सुरु गरिएको छ । ती कार्यालयहरूमा रहेका सरकारी कागजात र कार्पेट भिजेको समेत कर्मचारीहरूले बताएका छन् ।
