ओपनएआईले अस्वीकार गर्यो मस्कको प्रस्ताव, अल्टम्यानले गरे ट्वीटर खरिदको प्रस्ताव
-
रबि बर्णवाल
- today२९ माघ २०८१
वीरगञ्ज । इलोन मस्क नेतृत्वको एक समूहले लोकप्रिय एआई टुल च्याटजीपीटीको निर्माता कम्पनी ओपनएआई खरिद गर्न ९७.४ अर्ब डलरको प्रस्ताव राखेको छ। तर, ओपनएआईले मस्क समूहको यो प्रस्ताव अस्वीकार गरेको द इकोनोमिक टाइम्स ले जनाएको छ। ओपनएआईका सीईओ स्याम अल्टम्यानले मस्कको प्रस्ताव अस्वीकार गर्नुका साथै व्यंग्यात्मक प्रतिक्रिया दिएका छन्। उनले मस्कलाई प्रस्ताव गर्दै भने, "धन्यवाद, तर यदि तिमी चाहन्छौ भने हामी ९.७४ अर्ब डलरमा ट्विटर (एक्स) खरिद गर्छौं।"
मस्कले सन् २०२२ मा ४४ अर्ब डलरमा ट्विटर खरिद गरी त्यसलाई ‘एक्स’ मा रूपान्तरण गरेका थिए। मिडिया रिपोर्टहरूका अनुसार, मस्क र उनको एआई स्टार्टअप xAI सहित केही लगानीकर्ताको समूह ओपनएआईलाई पुनः गैरनाफामुखी संस्थाका रूपमा सञ्चालन गर्न चाहन्छ। मस्कका कानुनी प्रतिनिधि मार्क टोबेरोफका अनुसार, ओपनएआईलाई यसको मूल परोपकारी उद्देश्यतर्फ फर्काउने उद्देश्यले खरिद प्रस्ताव राखिएको थियो।
