एफपिओ निष्कासन गर्न स्वरोजगार लघुवित्तले पायो धितोपत्र बोर्डबाट अनुमति
-
अजय भोजपुरिया
- today२८ माघ २०८१
स्वरोजगार लघुवित्त वित्तीय संस्था लिमिटेडले नेपाल धितोपत्र बोर्डबाट थप सार्वजनिक निष्कासन (एफपिओ) निष्कासन गर्ने अनुमति पाएको छ। कम्पनीले १०० रूपैयाँ अंकित मूल्यमा १ लाख ९५ हजार ७७३ कित्ता एफपिओ निष्कासन गर्ने अनुमति पाएको हो। कम्पनीको बिक्री प्रबन्धकको काम एनएमबी क्यापिटलले गर्नेछ।
बैंक तथा वित्तीय संस्थासम्बन्धी ऐन २०७३ र नेपाल राष्ट्र बैंकले एक आपसमा गाभ्ने/गाभिनका लागि अन्तिम स्वीकृति पत्र प्रदान गर्दा दिएको निर्देशन बमोजिम कुल जारी पुँजीको कम्तीमा ३० प्रतिशत सेयर सर्वसाधारणलाई छुट्याउनु पर्ने हुँदा लघुवित्तहरूले एफपिओ जारी गर्न लागेका हुन्।
सोमबार कम्पनीको प्रतिकित्ता मूल्य ९७२ रूपैयाँमा कारोबार भइरहेको छ।
