बिना दर्ता सञ्चालित जनकपुरका तीन निजी अस्पतालले बुझाए मधेस सरकारलाई साँचो
-
मो.सगिर अलि
- today२८ माघ २०८१
वीरगञ्ज । जनकपुरधाममा तीन निजी अस्पताल बन्द भएका छन् । जनकपुर सीता हस्पिटल प्रालि, अरमान हस्पिटल प्रालि, र बिएन हस्पिटल एन्ड रिसर्च सेन्टर प्रालि आइतबारदेखि बन्द भएका हुन् । स्वास्थ्य तथा जनसङ्ख्या मन्त्रालयका अधिकृत तथा अनुगमन समितिका सदस्य सन्तोष ठाकुरका अनुसार, अस्पतालका सञ्चालकहरूले स्वयं ताला लगाई अस्पतालका साँचो सरकारलाई बुझाएका छन् ।यसअघि, उपचारमा लापरबाहीसम्बन्धी गम्भीर घटना सार्वजनिक भएपछि मुख्यमन्त्री सतिश कुमार सिंहको निर्देशनमा पिडारीचोकस्थित मुस्कान अस्पताल शनिवार बन्द गरिएको थियो ।
