पिपरा टोलको एक घरमा आगलागी, ५० हजारको क्षति
-
मेराज हास्मी
- today२७ माघ २०८१
सेढवा (पर्सा) । पर्साको जिराभवानी गाउँपालिकामा शनिबार राति आगलागी भएको छ । वडा नम्बर १ पिपरा टोलका स्थानीय शिवशंन्कर गिरीको फुसको घरमा गएराति ९ बजेको समयमा विद्युत सर्ट भइ आगलागी भएको प्रहरीले जनाएको छ ।
आगलागीबाट घरमा रहेको अन्नपात लत्ताकपडा गरि पचास हजार बराबरको क्षति भएको ईलाका प्रहरी कार्यालय सेढवाका प्रहरी नायब निरीक्षक राजाराम यादवले जानकारी दिए ।आगोलाइ स्थानीयवासी, प्रहरी चौकि महादेवपट्टी ईलाका प्रहरी कार्यालय सेढवा र सशस्त्र प्रहरी बोर्डर आउट पोस्ट महादेवपट्टीको सहयोगमा नियन्त्रणमा लिएको प्रहरी नायब निरीक्षक यादवले दिए ।
