बारामा ट्याक्टरको ठक्करबाट मोटरसाइकल चालकको मृत्यु, चालक फरार
-
बिशाल यादब
- today२४ माघ २०८१
वीरगञ्ज । बाराको जीतपुरसिमरा उपमहानगरपालिका-२४ हरपुर पुल नजिकै मोटरसाइकल र ट्याक्टर आपसमा ठोक्किँदा एक जनाको मृत्यु भएको छ।प्रहरीका अनुसार ना ३ त ८४१९ नम्बरको ट्याक्टरले श्रीपुरबाट मिलन चोकतर्फ जाँदै गर्दा विपरीत दिशाबाट आइरहेको ना ६५ प ५५०५ नम्बरको मोटरसाइकललाई ठक्कर दिँदा दुर्घटना भएको हो ।
दुर्घटनामा परी गम्भीर घाइते भएका कलैया उपमहानगरपालिका-१६ मझौलिया टोलका ३१ वर्षीय विजयकुमार महतोको उपचारका क्रममा वीरगञ्जस्थित नेपाल मेडीसिटी ब्योधा अस्पतालमा मृत्यु भएको बारा प्रहरीले जनाएको छ। दुर्घटनापछि ट्याक्टर चालक फरार रहेका छन् भने उनको खोजी कार्य तीव्र पारिएको प्रहरीले जानकारी दिएको छ।
स्थानीय प्रत्यक्षदर्शीका अनुसार ट्याक्टर तीव्र गतिमा रहेको र अनियन्त्रित भएर मोटरसाइकललाई ठक्कर दिएको अनुमान गरिएको छ । घटनापछि स्थानीयवासीले क्षतिपूर्ति र दोषीलाई कारबाहीको माग गरेका छन् ।यसैबिच, बारा प्रहरीले दुर्घटनाका सम्बन्धमा थप अनुसन्धान अघि बढाएको छ । मृतक महतोका परिवारजनलाई खबर गरिसकिएको छ भने शव पोस्टमार्टमपछि परिवारलाई हस्तान्तरण गरिने तयारी भइरहेको छ ।
