पर्सा प्रहरीद्वारा ५६ लाख बढीको भन्सार छली सामान बरामद
-
संजय कुशवाहा
- today२३ माघ २०८१
वीरगञ्ज । जिल्ला प्रहरी कार्यालय पर्सा र मातहतका प्रहरी एकाइहरूले विशेष सूचनाको आधारमा मङ्गलवार विभिन्न स्थानहरूबाट भन्सार छली गरी ल्याइएका सामानहरू बरामद गरेका छन् । पर्सा प्रहरीका प्रवक्ता एवम् प्रहरी नायव उपरीक्षक (डिएसपी) किशोर लम्सालका अनुसार, बरामद सामानको अनुमानित मूल्य ५६ लाख ४६ हजार ४ सय २९ रुपैयाँ रहेको छ ।
प्रहरीले श्रीपुर , इलाका प्रहरी कार्यालय लङ्गडी लगायतका स्थानहरूमा छापा मारेर विभिन्न प्रकारका इलेकट्रोनिक्स, खुद्रा सामान, खाद्यान्न, सुर्ती, चप्पल लगायतका सामग्री बरामद गरेको हो । प्रहरीले भन्सार छली तथा चोरी पैठारीमा संलग्नहरूलाई कानुनी कारबाही अगाडि बढाउने जनाएको छ । पछिल्लो समयमा पर्सा क्षेत्रमा भन्सार छलीका घटनाहरू बढ्दै गएको भन्दै प्रहरीले निगरानी कडा बनाएको बताइएको छ ।
