नेपाल बुद्धिजीवी परिषद् पर्साको दोस्रो अधिवेशन सम्पन्न
-
अमन गुप्ता
- today२० माघ २०८१
वीरगञ्ज । नेपाल बुद्धिजीवी परिषद् पर्साको दोस्रो अधिवेशन शनिबार वीरगञ्जमा सम्पन्न भएको छ । परिषद्को मधेस प्रदेश अध्यक्ष शम्भु गुप्ताले अधिवेशनको उद्घाटन गर्नुभएको थियो । उद्घाटन समारोहमा नेकपा (एमाले) पर्साका अध्यक्ष डा. विशम्भर कुमार शर्मा, सचिव महेश दास र वरिष्ठ चिकित्सक डा. प्रमोद सरार्फले शुभकामना मन्तव्य व्यक्त गर्नुभएको थियो ।
डा. सन्तोष कुमार साहको अध्यक्षतामा सम्पन्न अधिवेशनले श्याम गुप्ताको अध्यक्षतामा १९ सदस्यीय जिल्ला कमिटी गठन गरेको छ । निर्वाचित पदाधिकारीहरूमा उपाध्यक्ष रेयाज देवान, सचिव अशोक कुमार साह, उपसचिवद्वय सरोज गिरी र विश्वास प्रताप साह तथा कोषाध्यक्ष वसिर अहमद रहेका छन् ।
त्यसैगरी, सदस्यहरूमा डा. सागर सरार्फ, रामबहादुर यादव, गोपीलाल श्रेष्ठ, ज्योति गुप्ता, निपु साह र हरिनारायण गुप्ता चयन हुनुभएको छ ।
नवगठित कमिटीले बुद्धिजीवीहरूमाझ सशक्त विचार विनिमय गर्दै सामाजिक तथा बौद्धिक गतिविधिलाई थप मजबुत बनाउने प्रतिबद्धता व्यक्त गरेको छ ।
