प्रचण्ड नेतृत्वको लोकप्रिय सरकार ढालेर कांग्रेस–एमालेले प्रतिगमन निम्त्याए : महिन्द्र राय यादव
-
कृष्ण प्रसाद शर्मा
- today१५ माघ २०८१
काठमाडौँ । नेपाल समाजवादी पार्टी(नेसपा)का अध्यक्ष महिन्द्र राय यादवले नेपाली कांग्रेसले माओवादी केन्द्रका अध्यक्ष पुष्पकमल दाहाल ‘प्रचण्ड’लाई धोका दिएको आरोप लगाएका छन् । मंगलबार काठमाडौँमा समाजवादी मोर्चाले गरेको विचार सभालाई सम्बोधन गर्दै यादवले २०७९ को निर्वाचनपछि कांग्रेसले प्रचण्डलाई प्रधानमन्त्री बनाउने आश्वासन दिएर पछि धोका दिएको आरोप लगाए हुन्
‘सरकार कुनै कारण नभई प्रतिशोध, भुटानी शरणार्थी काण्डलाई प्रभावित गर्ने, मध्यराति एमालेसँग मिलेर बचाइ‘दियाँै भन्ने अनुनय विनयका कारण सरकार ढल्यो । लोकप्रिय काम गरिरहेको सरकार ढालेर कांग्रेस र एमालेले प्रतिगमन निम्त्याउने काम गरे’, उनले भने, ‘निर्वाचनपछि कांग्रेसले प्रचण्डलाई प्रधानमन्त्री बनाउने आश्वासन दिएर पछि धाेका थियो । प्रचण्ड सरकार सुशासन, सामाजिक न्याय र समृद्धिका लागि अगाडि बढिरहेको थियो । भ्रष्टाचारका ठुलठुला फाइल खुल्न थालेपछि कांग्रेस र एमाले तर्सिए ।’
भ्रष्टाचारीलाई बचाउन दुई दलीय व्यवस्थामा कांग्रेस र एमाले गएको उनले आरोप लगाए । प्रतिगमन रोक्नका लागि समाजवादी मोर्चा नयाँ ध्रुवीकरण गर्नुपर्ने आँट गर्नुपर्ने यादवले धारणा राखे ।
