पर्साका ३७ विद्यालयका १२ सय ७४ जना विद्यार्थीले दिए प्याब्सन प्रि–एसइई परीक्षा
-
रबि बर्णवाल
- today१५ माघ २०८१
वीरगञ्ज । निजी तथा आवसीय विद्यालय अर्गनाइजेशन प्याब्सनद्वारा आयोजित प्याब्सन प्रि–एसइई परीक्षा २०८१ आज शान्तिपूर्ण रूपमा सम्पन्न भएको छ। माघ ६ गतेदेखि सुरु भएको यो परीक्षा निर्धारित तालिका अनुसार आज माघ १५ गते सम्पन्न भएको हो।
प्याब्सन पर्साका अध्यक्ष सरोज प्रसाद चौधरीका अनुसार पर्सा जिल्लाका ३७ विद्यालयका १२ सय ७४ जना विद्यार्थी सहभागी रहेको यो परीक्षा पाँच परीक्षा केन्द्रमार्फत सञ्चलन गरिएको थियो । परीक्षा केन्द्रहरूमा साउथ जोन मावि, सिद्धार्थ नेशनल स्कूल, गोल्डेन फ्युचर मावि, मुनलाईट मावि र वीरगञ्ज पब्लिक इंग्लिस स्कूल समावेश थिए।
प्याब्सन पर्साका सचिव अशोक सङ्ग्रौलाले परीक्षा शान्तिपूर्ण रूपमा सम्पन्न भएकोमा खुशी व्यक्त गर्दै सबैको सहकार्यप्रति आभार व्यक्त गरे। उनले भने, "यो परीक्षा विद्यार्थीहरूको शैक्षिक उन्नतिको लागि महत्वपूर्ण अभ्यास हो। परीक्षाको व्यवस्थापनदेखि शान्तिपूर्ण सञ्चालनसम्म सबै पक्षहरूको योगदान सराहनीय छ। यसले विद्यार्थीहरूलाई आगामी एसईईको तयारीमा थप आत्मविश्वास दिनेछ।"
