वीरगञ्जसहित देशैभर बीवाइडीको एक्सचेञ्ज मेला सुरु, पुरानो गाडीसँग नयाँ ईभी साट्न अवसर
-
बिरेन्द्र यादब
- today१० माघ २०८१
वीरगञ्ज । वीरगञ्जसहित देशैभर बीवाइडी गाडीको ‘एक्सचेञ्ज फेस्ट’ आजदेखि सुरु भएको छ । वीरगञ्जसहित आसपासका क्षेत्रका लागि बीवाइडी गाडीको आधिकारिक बिक्रेता नीरज अटोमोबाइल्सले वीरगञ्जको गण्डक बहुअरीस्थित बिक्री कक्ष (शोरुम) मा आजदेखि एक्सचेञ्ज फेस्ट सुरु भएको हो ।
आजदेखि सुरु भएको एक्सचेञ्ज फेस्ट १३ गतेसम्म सञ्चालन हुने नीरज अटोमोबाइल्सका सहसञ्चालक गौरव अग्रवालले जानकारी दिए । अग्रवालका अनुसार, आज पहिलो दिन नै एक सय जना भन्दा धेरै ग्राहकले फेस्टमा अवलोकन गरेर जानकारी लिएका छन् भने २० जना भन्दा धेरैले सवारी एक्सचेञ्ज गर्नका लागि बुक गराइसकेका छन् ।
एक्सचेञ्ज कार्यक्रममा ग्राहकले आफूसँग भएको जुनसुकै ब्रान्डको पुरानो गाडीसँग बीवाइडीको नयाँ ईभी साट्न सक्ने नीरज अटोमोबाइल्सका प्रबन्ध निर्देशक आकाश सर्राफले जानकारी दिए । एक्सचेञ्ज गर्दा ग्राहकले उत्कृष्ट मूल्याङ्कन, एक्सचेञ्ज बोनस, लोयल्टी बोनस, निःशुल्क प्रिमियम एसेसोरिज र निःशुल्क चार्जर जडानको सुविधा पनि प्राप्त गर्ने उनले बताए ।
एक्सचेञ्ज मेला वीरगञ्जसहित काठमाडौँ उपत्यकाका विभिन्न पाँच स्थान र बुटवल, भैरहवा, इटहरी, बिर्तामोड, जनकपुर, पोखरा, बनेपा, नेपालगञ्ज र नारायणघाटमा आयोजना भएको छ । एक्सचेञ्ज फेस्टमा सहभागी भएर ग्राहकले पुरानो गाडीसँग बीवाइडीको एट्टो-३, डल्फिन र एम-६ जस्ता चर्चित एवम् लोकप्रिय ईभी एक्सचेञ्ज गर्न सक्ने छन् ।
