लुम्बिनीका मुख्यमन्त्री लिला गिरीले आज शपथ ग्रहण गर्ने
-
अग्निपथ सम्बादाता
- today२७ पुष २०७९
अग्निपथ मिडिया - Agnipath media
दाङ, २८ पुष l लुम्बिनी प्रदेशका मुख्यमन्त्री लिला गिरीले आज पद तथा गोपनीयताको शपथ लिनुहुने भएको छ । प्रदेश प्रमुख अमिक शेरचनले दिउँसो १ बजे उहाँलाई शपथ ग्रहण गराउनुहुनेछ ।
आजै तीन सदस्यीय मन्त्रिपरिषद् गठनको पनि तयारी गरिएको छ । एमाले र माओवादी केन्द्रबाट एक/एक मन्त्री बनाउने तयारी रहेको माओवादी केन्द्रका संसदीय दलका नेता जोखबहादुर महराले बताउनुभयो ।
'आज तीन सदस्यीय मन्त्रिपरिषद् गठनको तयारी गरिएको छ', उहाँले भन्नुभयो, 'त्यसका लागि छलफल भइरहेको छ।' बुधवार हिजाे प्रदेश प्रमुख अमिक शेरचनले नेपालको संविधानको धारा १६८ को उपधारा (२) बमोजिम एमाले संसदीय दलका नेता गिरीलाई मुख्यमन्त्रीमा नियुक्त गर्नुभएको थियो ।
अहिले लुम्बिनी प्रदेशमा १३ मन्त्रालय छन् । यसलाई घटाउने गरी छलफल भइरहेको छ ।
