सरकारको न्युनतम साझा कार्यक्रम निर्माणको काम शुक्रबारसम्म सकिने
-
अग्निपथ सम्बादाता
- today२१ पुष २०७९
अग्निपथ मिडिया - AGNIPATH MEDIA
काठमाडौं,पुस २१ l सत्तारुढ गठबन्धनले सरकारको न्युनतम साझा कार्यक्रम निर्माणको काम शुक्रबारसम्ममा सक्ने भएको छ। न्युनतम साझा कार्यक्रम निर्माणको लागि बनाइएको कार्यदलले शुक्रबारसम्ममा सम्पूर्ण काम सक्ने बताइएको छ।
बिहीबार सञ्चारकर्मीहरुसँग कुरा गर्दै कार्यदल संयोजक विष्णु पौडेलले साझा कार्यक्रमको ड्राफ्ट तयार भइसकेको जानकारी दिए। उनले सरकारमा सहभागी हुने विभिन्न राजनीतिक दलहरुको सुझावलाई समेट्दै ड्राफ्ट तयार भएको बताए। उनका अनुसार सो ड्राफ्टमा दफावार छलफल गरी शुक्रवारसम्म सबै काम सकिने छ।
‘सरकारमा सहभागी हुने विभिन्न दलहरुको सुझावलाई संगठित गर्दै एउटा ड्राफ्ट हामीले तयार गरेका छौँ। ड्राफ्टलाई दफावार छलफल गर्दै त्यसलाई अन्तिम रुप दिन्छौँ र त्यसलाई हामी प्रस्तुत गर्छौ’ उनले भने। कार्यदलको बैठक भोलि शुक्रबार बिहान ११ बजे बस्ने।
