संसदीय सचिवालयले नवनिर्वाचित प्रतिनिधिसभा सदस्यलाई पद तथा गोपनीयताको शपथ गराउने तयारी तीव्र पारेको छ ।
-
अग्निपथ सम्बादाता
- today३ पुष २०७९
अग्निपथ मिडिया - AGNIPATH MEDIA
काठमाण्डौ ,४ पुस । संघीय संसद् सचिवालयले प्रतिनिधिसभाका नवनिर्वाचित सदस्यलाई पद तथा गोपनीयताको शपथ गराउने तयारीलाई तीब्रता दिएको छ । नवनिर्वाचित सदस्यहरूमध्ये ज्येष्ठ सदस्यलाई राष्ट्रपतिले पद तथा गोपनीयताको शपथ गराएपछि अन्य सदस्यहरूले पछि सपथ ग्रहण गर्नेछन्। ज्येष्ठ सदस्यको पहिचानका लागि संसद सचिवालयले यस सम्बन्धमा उमेर विवरण उपलब्ध गराउन निर्वाचन आयोगलाई पत्र पठाएको छ । राष्ट्रपति विद्यादेवी भण्डारीले मंसिर २५ भित्र सात दिनभित्र प्रधानमन्त्रीका लागि दाबी पेश गर्न दलहरुलाई आह्वान गरेकी छन् । नवनिर्वाचित सदस्यहरु मध्ये चित्रबहादुर केसी, महन्थ ठाकुर, महेन्द्र राय यादव र पशुपति शमशेर राणाको उमेर विवरण छानबिन हुने देखिन्छ ।
कुनै सदस्यले आफ्नो मातृभाषामा शपथ लिन चाहेमा शपथ पत्र सम्बन्धित भाषामा अनुवाद गरी सपथग्रहण हुनुभन्दा तीन दिनअघि संसद सचिवालयलाई जानकारी गराउनु पर्नेछ।
सचिवालयले दिएको जानकारी अनुसार २०७४ सालको प्रतिनिधिसभा निर्वाचनपछि ११ मातृभाषा (नेपाली बाहेक) मा ३६ सदस्यले सपथ लिएका थिए । सदस्यहरुलाई मैथिली, थारु, भोजपुरी, मगर, हिन्दी, आबाधी, नेपाल भाषा, बन्जिका, नेवारी, उर्दू र तामाङ भाषामा सपथ ग्रहण गराइएको जानकारी दिए ।
सपथ ग्रहण समारोहमा सचिवालयले प्रतिनिधिसभाका नवनिर्वाचित सदस्यहरूलाई लोगो पनि प्रदान गर्नेछ। प्रत्येक लोगो ५ हजार ८ सय रुपैयाँमा तयार भएको हो ।
सपथ ग्रहणको दिन तोकिए पनि पाँच दिनभित्र नयाँ बानेश्वरस्थित संसद भवनमा कार्यक्रम हुने भएको छ ।
सङ्घीय संसद् सचिवालयका प्रवक्ता डा रोजनाथ पाण्डेले सदस्यहरूलाई संविधान, डायरी, कलम, संसदीय नियमावली, निर्देशनलगायतका प्रकाशनसहितको झोला उपलब्ध गराइने बताए ।
