गठबन्धनकाे सरकार नबने हामीले नेतृत्व लिन तयार छाैँ: गोकर्ण विष्ट
-
अग्निपथ सम्बादाता
- today३ पुष २०७९
अग्निपथ मिडिया - AGNIPATH MEDIA
काठमाडौं,३ पुस । नेकपा एमालेका सचिव गोकर्ण बिष्टले एमाले सरकारमा जान हतार नगरेकाे तर बाध्यात्मक परिस्थिति आएमा नेतृत्व लिन तयार रहेकाे बताएका छन्।
गुल्मी क्षेत्र नम्बर-२ बाट प्रतिनिधिसभा सदस्यमा निर्वाचित बिष्टले आज आइतबार बुटवलमा पत्रकारसँकाे कुराकानीमा यस्ताे बताएका हुन्।
यही मंसिर ४ गते सम्पन्न निर्वाचनकाे परिणामबाट एमाले दोस्रो ठूलो दल बनेकाले एमालेले सरकारमा नगइ प्रतिपक्षमै रहेर जनताका मुद्दालाई उठाउनुपर्ने उनकाे भनाइ छ।
‘जनताले एमालेलाई प्रतिपक्षमा बस्ने म्याण्डेट दिएका छन् । त्यसैले सत्तामा बस्नका लागि अवान्छित गतिबिधि गर्ने पक्षमा हामी छैनौ, सरकार निर्माणका लागि एमालेलाई हतारो छैन ।’ उनले भने,’ तर, बाध्यात्मक परिस्थिति आयो भने लोकतान्त्रिक मूल्य मान्यताअनुसार नेतृत्व लिन पहल पनि गर्छौँ।’
यसका साथै उनले वाम पार्टीको नामबाट राष्ट्रियता, स्वतन्त्रता, स्वाधिनताको अपमान गर्ने, समृद्धिको हितविपरीत लाग्ने तथा दक्षिणपन्थीसँग गठबन्धन गर्नेहरूसँग गठबन्धन गरेर सरकार बनाउन आफूहरू नलाग्ने बताए।
