अग्निपथ मिडिया - AGNIPATH MEDIA
काठमाडौं,३ पुस । आगामी सरकार गठनवारे नेपाल कम्युनिस्ट पार्टी (एमाले)ले आन्तरिक छलफल गरिरहेको छ । निर्वाचनको मतपरिणाम सार्वजनिक भइसकेपछि राजनीतिक दल आगामी सरकार गठनका लागि भेटघाट एवं छलफललाई तीव्रता दिएका छन् ।
नेपाल कम्युनिस्ट पार्टी (माओवादी केन्द्र)का महासचिव देव गुरुङसँग चार दिनअघि छलफल गरे एमाले अध्यक्ष केपी शर्मा ओलीले राष्ट्रिय स्वतन्त्र पार्टी (रास्वपा)का अध्यक्ष रवि लामिछानेसँग भेटघाट गरेका छन् ।
शुक्रबार राति ओली निवास बालकोटमा आगामी सरकार गठन’bout छलफल भएको हो । सत्तारूढ गठबन्धनसँग स्पष्ट बहुमत नभएको अवस्थामा साना दलको समर्थनमा सरकार गठनका लागि एमालेले छलफल थालेको हो । रास्वपासँग २० सिट छ ।
नेपाली कांग्रेस र एमाले दुवै दलसँग समानान्तर छलफलमा रहेको माओवादी केन्द्रसँग अहिले स्पष्ट अडान छैन । प्रधानमन्त्री बन्ने दौडमा रहेका माओवादी केन्द्रका अध्यक्ष पुष्पकमल दाहाल प्रचण्ड कांग्रेस वा एमाले जुन दलसँग पनि मिलेर अगाडि बढ्ने रणनीतिमा छन् ।
अगामी सरकारको नेतृत्व जसरी पनि गर्न पाउँने योजनामा रहेका प्रचण्डलाई एमालेले फकाउँदै छ । एमालेले माओवादीसहित साना दलसँग मिलेर नयाँ गठबन्धन बनाउने योजनामा छ । प्रधानमन्त्रीसहित राष्ट्रपति, उपराष्ट्रपति, सभामुख, उपसभामुख, मुख्यमन्त्री, प्रदेश प्रमुखलगायतका महŒवपूर्ण पदमा भागबन्डा गरेर नयाँ गठन निर्माणका लागि एमाले अगाडि बढेको हो ।
रास्वपाका अध्यक्ष लामिछानेसँगको छलफलकवारे एमालेले बाहिर केही जानकारी गराएको छैन । तर, एमाले उपाध्यक्ष विष्णु पौडेलले आफूहरू प्रतिपक्षमा बस्ने बताउँदै सरकार निर्माणको दौडमा नरहेको दाबी गरेका छन् ।
शनिबार एमाले पर्वत–काठमाडौं सम्पर्क मञ्चले काठमाडौंमा आयोजना गरेको कार्यक्रममा बोल्दै उनले भने, ‘एमाले अहिले सरकारमा जाँदैन, बरु प्रतिपक्षमा बसेर काम गर्छ ।’
उनले पाँच दलीय गठबन्धनले एमालेलाई चौतर्फी घेराबन्दी गर्दा पनि एमालेले जनताबीचबाट राम्रो मत पाएको बताउँदै सरकार निर्माणको दौडमा नरहेको बताए ।
प्रतिनिधिसभा र प्रदेशसभाको निर्वाचनमा एमाले र कांग्रेस दुवै दलले गठबन्धन गरेर निर्वाचनमा सहभागी थियो । तर, निर्वाचनबाट कुनै पनि गठबन्धनले सरकार निर्माणका लागि स्पष्ट बहुमत पाउन सकेन । सरकार निर्माणका लागि १३८ सिट आवश्यक पर्छ । दुवै गठबन्धनको बहुमत नपुगेपछि साना दल र स्वतन्त्र सांसदहरू सरकार गठनका लागि निर्णायक बनेका छन् ।
प्रधानमन्त्री बन्ने दौडमा रहेका प्रचण्डका साथै कांग्रेस सभापति एवं प्रधानमन्त्री शेरबहादुर देउवा, एमाले अध्यक्ष ओलीसहितका शीर्ष नेताले अहिले विभिन्न साना दलसँग निरन्तर छलफलमा रहेका छन् ।
