सुशासन, पारदर्शिता र जवाफदेहिताको नयाँ युगतर्फ बीरगञ्ज - रास्वपा नगर अध्यक्ष अमन आलम
-
अग्निपथ सम्बादाता
- today१५ चैत्र २०८२
पर्सा, बीरगञ्ज - रास्वपा नगर अध्यक्ष अमन आलम राष्ट्रिय स्वतन्त्र पार्टीका बीरगञ्ज महानगर अध्यक्ष अमन आलम ले स्पष्ट रूपमा बताएका छन् कि अब सुशासन केवल राजनीतिक भाषण होइन, जनताले प्रत्यक्ष अनुभूति गर्ने परिवर्तन हुनेछ। पार्टीको केन्द्रीय नीति अनुसार सम्पूर्ण संरचनामा पारदर्शिता, जवाफदेहिता, अनुशासन र निष्पक्षता लाई उच्च प्राथमिकतामा राख्दै निरन्तर सूक्ष्म निगरानी भइरहेको छ।
“गल्ती गर्ने छुट कसैलाई छैन” — तर त्यसको अर्थ सुधार र सुधारात्मक अवसरसहितको जिम्मेवारी प्रणाली हो । विगतका अनियमितता र कमजोरीहरूको निष्पक्ष, तथ्यमा आधारित र पारदर्शी छानबिन गरिनेछ । दोषीमाथि कानुनी प्रक्रिया अघि बढाइनेछ भने इमानदार र मेहनती कर्मचारीलाई प्रोत्साहन गरिनेछ यो अभियान डरको होइन, विश्वास, सुधार र संस्थागत मजबुतीकरणको अभियान हो। जनताको करबाट चल्ने प्रणालीमा जवाफदेहिता र नतिजामुखी कार्यसम्पादन नै मुख्य आधार हुने स्पष्ट सन्देश दिइएको छ। साथै, अध्यक्ष आलमले जनताप्रति मानवीय र सेवामुखी प्रतिबद्धता व्यक्त गर्दै भनेका छन् कि यदि कोही पनि अन्याय, पीडा वा समस्यामा परेको छ भने पार्टीलाई सीधा सम्पर्क गर्न सकिनेछ। उनका अनुसार, रोएको आँसु पुछ्ने, दुःखले अन्ध्यारो भएको अनुहारमा उज्यालो फर्काउने र आवश्यक परे कानुनी प्रक्रियामा पूर्ण सहयोग गर्ने जस्ता जनसेवा केन्द्रित कामहरू सक्रिय रूपमा अघि बढाइनेछन्। अन्यायमा परेकाहरूलाई न्याय दिलाउन आवश्यक समन्वय, सहयोग र सहजीकरण गर्ने पनि उनले प्रतिबद्धता जनाएका छन्। राजनीतिक संस्कृतिमा देखिएको कमजोरीलाई सुधार्दै, नयाँ पुस्तामुखी, विकासमुखी र जनसेवामुखी प्रशासनिक अभ्यास स्थापित गर्ने दिशामा यो कदम महत्वपूर्ण मानिएको छ। अब बीरगञ्जदेखि देशभर—सुशासन, पारदर्शिता र जनविश्वासको नयाँ यात्रा सुरु हुँदैछ।
