घुसपैठ गर्नेहरुले घटना घटाए : ओली
-
अमन गुप्ता
- today७ आश्विन २०८२
काठमाडौँ – एमाले अध्यक्ष केपी शर्मा ओलीले भदौ २३ र २४ गते भएको आन्दोलनमा घुसपैठ गर्नेहरुको संलग्नता रहेको दाबी गरेका छन्।
राजीनामा दिएर बालुवाटारबाटै भागेका तत्कालीन प्रधानमन्त्री ओलीले आन्दोलनमा घुसपैठ भएको दाबी गरेका हुन्। आन्दोलनकारीले आफ्नो निवास जलाएपछि गुण्डुमा बस्दै आएका ओलीले भेट्न पुगेका कार्यकर्ताहरुलाई परिस्थिति फेरिने भन्दै निराश नहुन आह्वान गरे।
ओलीले कार्यकर्तालाई सम्बोधन गर्दै भने, ‘घुस पठिया तत्वहरुको संलग्नता छ। जो पहिल्यैदेखि पनि भन्दै आएका थिए। सिंहदरबार जलाउछु भनेका थिए। अन्तराष्ट्रिय सम्मेलन केन्द्रतिर हमला गरेको त धेरैपटक भयो नि। यो एउटा योजनाबद्ध काम हो। यस्तो कुरा हामीले बुझ्नु पर्छ। बादल लाग्यो भन्दैमा बादल हट्दैन भन्ने हुँदैन। साँझ पर्यो भन्दैमा बिहान हुन्छ। नहुने भन्ने हुँदैन।’
