संविधान खारेज हुन लागेको बेलामा बचाउन सहजीकरण गरेको दाबी प्रचण्डको
-
बिशाल यादब
- today५ आश्विन २०८२
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले संविधान र राष्ट्रपति संस्थालाई बचाउन आफूले महत्वपूर्ण भूमिका खेलेको दाबी गरेका छन्।
संविधान दिवसको अवसरमा शुक्रबार पार्टी केन्द्रीय कार्यालयमा आयोजित कार्यक्रममा बोल्दै प्रचण्डले जेनजी आन्दोलनपछि केपी ओलीको सरकार ढलेसँगै संविधान र राष्ट्रपति संस्थामाथि नै संकट उत्पन्न भएको दाबी गरे। उनले भने, “इतिहासले, घटनाक्रमले र संयोगले मलाई सहजीकरण गर्ने अवसर दियो। अन्तिममा रातभर राष्ट्रपति, प्रधानसेनापति र विभिन्न दलका नेताहरूसँग छलफल गरेर संविधान बचाउनुपर्छ भनेको थिएँ।”
उनले यो संविधान सामान्य नभएको र राष्ट्रपति संस्थालाई जोगाउन माओवादीको भूमिका रहेको स्पष्ट पारे। साथै, प्रधानसेनापतिलाई पनि धन्यवाद दिँदै राजनीतिक निकास नभएको भए मुलुक ठूलो संकटमा पर्ने चेतावनी दिएको बताए।
प्रचण्डले आन्दोलनमा तोडफोड र आगजनी हुनुमा घुसपैठ भएको आरोप लगाउँदै वर्तमान संविधानलाई संशोधन गरेर प्रत्यक्ष निर्वाचित कार्यकारीको व्यवस्था गर्नुपर्ने धारणा राखे
