शीतलनिवासमा अभूतपूर्व जमघट- जेनजी, पूर्वराष्ट्रपति, पूर्वप्रधानमन्त्रीदेखि सभामुखसम्म, ओली गएनन्
-
बिशाल यादब
- today३ आश्विन २०८२
काठमाडौँ – राष्ट्रपति भवन शितल निवासमा शुक्रबार संविधान दिवस मनाइएको छ।
संविधान दिवसको अवसरमा राष्ट्रपति भवनमा विशेष समारोह आयोजना गरिएको थियो। कार्यक्रममा प्रधानमन्त्री सुशीला कार्कीसहित विभिन्न दलका नेताहरू पनि शितल निवास पुगेका छन्।
पूर्वराष्ट्रपतिहरू डा. रामवरण यादव, विद्यादेवी भण्डारी, पूर्वप्रधानमन्त्रीहरू डा. बाबुराम भट्टराई, झलनाथ खनाल, पुष्पकमल दाहाल, विघटित प्रतिनिधिसभाका सभामुख देवराज घिमिरे, कांग्रेस नेता डा. शेखर कोइराला, एमाले नेता योगेश भट्टराईलगायत विभिन्न देशका राजदूतहरू पनि शितल निवास पुगेका छन्।
कार्यक्रममा पूर्वप्रधानमन्त्री केपी शर्मा ओली भने सहभागी भएनन्। अर्का पूर्वप्रधानमन्त्री कांग्रेस सभापति शेरबहादुर देउवा भने जेनजीको आन्दोलनपछिको आक्रमणपछि अझै उपचार प्रक्रियामा छन्।
कार्यक्रममा जेनजीका प्रतिनिधिहरू पनि सहभागी छन्। रक्षा बम, सुदन गुरुङ, युजन राजभण्डारीहरू समेत कार्यक्रममा सहभागी छन्।
राष्ट्रपति रामचन्द्र पौडेलले संविधान दिवसका अवसरमा शुक्रबार विशेष कार्यक्रम गरेका हुन्।
