मध्यरातमा काठमाडौँमा सेनाको बाक्लो उपस्थिति, बाहिरबाट पनि थपिँदै छन् बख्तरबन्द गाडीहरू
-
बिशाल यादब
- today२६ भदौ २०८२
काठमाडौँ- अहिले मध्यरातमा कर्फ्यू जारी रहेका बेला काठमाडौँका सडकहरूमा सेनाको उपस्थिति बाक्लो पारिएको छ। बिहीबार साँझ ७ बजेदेखि नै सेनाले कडाइ गर्दै सर्वसाधारणहरूलाई चाँडै घर फर्कन आग्रह गरिरहेको थियो।
मध्यरातमा सेना मुख्यालय भद्रकाली, नारायणहिटी, सिंहदरबार, शीतलनिवास, निर्मल निवास, मुख्य सडकहरू लगायतका स्थानमा सेनाको उपस्थिति बाक्लो छ भने ब्यारेकहरूलाई पनि हाइ एलर्टमा राखिएको बुझिएको छ।
काठमाडौँबाहिरबाट पनि सेनाका गाडीहरू मगाइएको सैनिक स्रोतले पुष्टि गरेको छ।
राष्ट्रपति रामचन्द्र पौडेल, सेनापति रामचन्द्र पौडेल र प्रधान न्यायाधीश सुशीला कार्कीबीच छलफल चलिरहँदा सेनाको उपस्थिति बाक्लो पारिएको हो।
सेनाले शुक्रबार बिहान ६ बजेदेखि ११ बजेसम्म भने आवतजावतका लागि खुला गर्ने सूचना जारी गरेको छ।
सेनाका हेलिकप्टरहरू आकाशमा कुदिरहेका छन् भने सेनाका बख्तरबन्द गाडीहरू सडकमा तैनाथ गरिएका छन्।
