शेख दाजुभाइको उत्कृष्ट साझेदारीमा लुम्बिनीको पहिलो हार
-
अग्निपथ सम्बादाता
- today१५ पुष २०७९
अग्निपथ मिडिया - AGNIPATH MEDIA
काठमाडौं,१६ पुष l आरिफ र आसिफ शेख दाजुभाइको उत्कृष्ट साझेदारीमा पोखरा एभेन्जर्सले नेपाल टि२० लिगमा लुम्बिनी अल स्टार्सलाई ९ विकेटले हराएको छ । योसँगै नेपाल टि२० लिगमा लुम्बिनी अल स्टार्सको लगातार पाँच जितको यात्रा समाप्त भएको छ । पोखराले दोस्रो जितका साथ प्लेअफ सम्भावना कामयै राखेको छ ।
जितको लागि १ सय २८ रनको विजयी लक्ष्य पछ्याएको पोखराले १८.२ ओभरमा १ विकेट गुमाउँदै पूरा गर्यो । पोखरा आसिफ शेख (भाइ) ६२ बलमा ९ चौकासहित ७७ रनमा अविजित रहे । आसिफले साड्ली भान स्केलस्क्किकलाई विजयी चौका हाने ।
आसिफको जारी प्रतियोगिता दोस्रो अर्धशतक हो ।
आरिफ शेख ३७ बलमा २६ रनमा अविजित रहे । दोस्रो विकेटका लागि आरिफ र आसिफले ९५ रनको अविजित साझेदारी गर्दै सहज जित हात पारे । ओपनर सुमित महर्जन १२ बलमा २ चौकासहित १३ रनमा क्याच आउट भए । किशोर महतोको बलमा सुमित आउट भएका थिए । त्यसपछि पोखराले आरिफलाई आज तेस्रो नम्बरमा पठाएको थियो । त्यसपछि शेख दाजुभाइले सहज जित दिलाए ।
त्यसअघि टियु किकेट मैदानमा टस जितेर पहिला ब्याटिङ थालेको लुम्बिनी १९.५ ओभरमा १ सय २७ रनमा अल आउट भयो । लुम्बिनीको शीर्षक्रम स्पिनर विपिन खत्रीले धरासयी बनाएका थिए । मध्यक्रम जाहिर खानले धरासयी बनाए । ९ मध्य ८ विकेट पोखरा स्पिनरले लिए । पाँचौं ओभरको तेस्रो बलमा विपिन खत्रीले ओपनर सुनिल धमलालाई १५ रनमा कट एण्ड बोल्ड आउट गरे ।
धमलाले १४ बलमा १ चौका र १ छक्का हाने । विकेटकिपर कुशल भुर्तेललाई विपिन खत्रीले गोल्डेन डक पेभेलिएन फर्काए । हरम्रीत सिंह भने जाहिर खानको बलमा एलबीडब्लू आउट गरे । विपिन खत्रीले अल स्टार्सका प्रमुख ब्याटर ह्यारी टेक्टरलाई १० रनमा क्याच आउट गराएपछि अल स्टार्स ६६–४ को कमजोर अवस्थामा पुगेको थियो । सिद्धान्त लोहनीले दीपेन्द्रसिंह ऐरीलाई १० रनमा आसिफ शेखबाट क्याच आउट भए ।
प्रमुख ब्याटर तथा ओपनर लाहिरु मिलान्था घाइते हुँदा आजको खेलमा टोलीमा छैनन् । तल्लोक्रमका ब्याटरको पनि प्रदर्शन राम्रो हुन सकेन । योगेन्द्रसिंह कार्की १३, साड्ली भान स्केलक्किक १६, गुलशन झा २, प्याट ब्राउन ७ र किशोर महतो ४ रनमा आउट भए ।
पोखराका स्पिनर विपिन खत्री ४ ओभरमा २३ रन खर्चेर ३ विकेट लिए । स्पिनर जाहिर खानले ४ ओभरमा १८ रन खर्चेर ३ विकेट लिए । आरिफ शेख, तुलबहादुर थापा र सिद्धान्त लोहनीले एक एक विकेट लिए ।
लुम्बिनी ६ खेलमा ५ मा जित र १ मा हारसहित १० अंक सहित शीर्ष स्थानमा छ । पोखरा ७ खेलमा २ मा जित र ५ मा हारसहित पाँचौं स्थानमा छ । लुम्बिनीले आइतबार विराटनगर सुपर किंग्ससँग खेल्नेछ । पोखराले सोमबार काठमाडौं नाइट्ससँग खेल्नेछ । पोखरा शीर्ष चारमा रहँदै प्लेअफ खेल्न बाँकी तीन खेल जित्नुपर्छ । अन्य टोलीको नतिजामा भरपर्छ ।
