नेपाल टि२० लिगको विजेताले ५५ लाख पाउने
-
अग्निपथ सम्बादाता
- today०८ पुष २०७९
अग्निपथ मिडिया - AGNIPATH MEDIA
काठमाडौं,८ पुष । नेपाल टि२० लिगको विजेताले ५५ लाख नेपाली रुपैयाँ पाउने भएको छ ।
विजेता टोलीले ५५ लाख प्राप्त गर्दा उप विजेता टोलीले ३० लाख रुपैयाँ प्राप्त गर्ने छन् । तेस्रो टोलीले १० लाख र चौथो हुनेले ५ लाख रुपैयाँ प्राप्त गर्ने भएका छन् ।
त्यस्तै प्रतियोगिता प्लेयर अफ द टुनामेन्टले पाँच लाख रुपैयाँ पाउने भएका छन् । प्रतियोगिता उत्कृष्ट ब्याटर र बलरले समान २ लाख ५० हजार प्राप्त गर्नेछन् । हरेक खेलको प्लेयर अफ द म्याचले ४० हजार प्राप्त गर्ने भएका छन् ।
प्रतियोगितामा काठमाडौं नाइट्स, पोखरा एभेन्जर्स, विराटनगर सुपर किंग्स, लुम्बिनी अल स्टार्स, जनकपुर रोयल्स र फार वेस्टर्न युनाइटेड छन् ।
क्यानले विना खुल्ला प्रतिस्पर्धा विना सेभेन थ्री स्पोर्ट्सलाई नेपाल टि२० लिग आयोजना अधिकार ८ वर्षका लागि ३३ करोडमा बेचेको थियो । प्रतियोगिता शनिबार देखि टियु क्रिकेट मैदानमा सुरु हुनेछ । प्रतियोगिता डबल राउन्ड रोविनको आधारमा सुरु हुनेछ ।
