पेलेले प्रशंसकका लागि जारी सन्देशमा भने – म बलियो छु, विश्व कप हेर्दैछु
-
अग्निपथ सम्बादाता
- today१८ मंसिर २०७९
अग्निपथ मिडिया - Agnipath Media
मङ्सिर १८ । ब्राजिलका दिग्गज फुटबल खेलाडी पेलेले आफू सकारात्मक र बलियो भएको बताएका छन् । एक इन्स्टाग्राम पोस्टमार्फत् पेलेले सबैलाई शान्त र सकारात्मक रहन अपिलसमेत गरेका छन् ।
पेलेले आफ्ना लागि प्रशंसकहरुले पठाइरहेको संदेश र विश्व कपमा ब्राजिलले खेलिरहेको खेल हेरेपछि आफूलाई ऊर्जा मिलेको बताएका छन् ।
उनले भने, ‘म आशावादी छु, बलियो छु र सधैँ झैँ आफ्नो उपचार गराइरहेको छु । मैले पाइरहेको राम्रो हेरविचारका लागि म पूरा मेडिकल र नर्सिङका टोलीलाई धन्यवाद दिन चाहन्छु ।’
‘मलाई भगवानमा विश्वास छ र विश्वभरीबाट पाइरहेको प्रेमपूर्ण सन्देशले मलाई ऊर्जावान् बनाइरहन्छ । म विश्व कपमा पनि ब्राजिललाई हेरिरहेको छु । यी सबै चिजका लागि धन्यवाद ।’
