स्पेनको ऐतिहासिक गोल
-
ANTIMA SARRAF
- today८ मंसिर २०७९
अग्निपथ मिडिया
मंसिर ८, २०७९
गाभीको उदय र स्पेनको ७ गोल
विश्वकप फुटबल २०२२
दोहा — गाभीले भलीमा उत्कृष्ट गोल गर्दै विश्व स्टेजमा आफ्नो आगमनको सन्देश दिएपछि स्पेनले विश्वकपको आफ्नो पहिलो खेलमा उत्कृष्ट प्रदर्शन गर्दै कोस्टारिकालाई ७–० ले हराएको छ ।
सन् २०१० को विजेता स्पेनका लागि फेरान टोरेसले दुई गोल गरे । तर स्पेनका लागि पाँचौं गोल १८ वर्ष ११० दिन उमेरका गाभीले असाधारण भलीमा गरेका थिए । बार्सिलोनाका टिनएजर गाभीले पेनाल्टी बक्सलाइनबाट गरेको ड्रप बल पोस्टमा लागेर गोल भएको थियो । विश्वकपमा कम उमेरमा गोल गर्ने गाभी तेस्रो कान्छा खेलाडी बनेका छन् । कम उमेरमा गोल गर्नेमा ब्राजिलका पेले र मेक्सिकोका म्यानुयल रोसास थिए ।
समूह ‘इ’ को प्रतिद्घन्द्घी जर्मनी बुधबारकै अर्को खेलमा जापानसँग स्तब्ध भइसकेको अवस्थामा स्पेनका लागि यो जित महत्त्वपूर्ण बनेको छ । डानी ओल्मो र मार्को एसेन्सियोले पहिलो १० औं मिनेटमा गोल गरेपछि स्पेनलाई सुरुदेखि खेलमा पकड राख्न मदत गरेका थिए । सन् २०१४ मा ब्राजिलमा भएको प्रतियोगिताको क्वाटरफाइनल पुगेको कोस्टारिका विश्वकपका लागि छानिने अन्तिम टोली थियो । टोलीले स्पेनविरुद्ध एउटै आक्रामण गर्न सकेन । रियल म्याड्रिड र पेरिस सेन्ट जर्मेनबाट खेलिसकेका कोस्टारिकाका गोलरक्षक केलर नाभास स्पेनसामु मूकदर्शकमात्र बने । स्पेनबाट कार्लोस सोलेरले ९० मिनेट र अल्भारो मोराटाले इन्ज्युरी समयमा गोल गरेका थिए ।
