क्रिकेट प्रतियोगितामा धनुषा क्रिकेट टीम विजयी
-
अग्निपथ सम्बादाता
- today२६ कार्तिक २०७९
अग्निपथ मिडिया
२७ कार्तिक ।प्रदेश स्त्तरीय अण्डर–१९ क्रिकेट प्रतियोगितामा धनुषा क्रिकेट टीम विजयी भएको छ । रौतहटको गौरमा जारी प्रतियोगिता अन्तर्गत शनिबार महोत्तरीलाई १२७ रनले हराउँदै धनुषा विजयी भएको हो ।
टस जितेर ब्याटिङ गरेका धनुषा क्रिकेट टीमले र्निधारित ४० ओभरमा आठ विकेट गुमाएर दुई सय ३६ रन बनाएका थिए । धनुषाका लागि सर्वाधिक रञ्जित यादवले ९० बलमा ६३ रन, चन्दनकुमार यादवले ७७ बलमा ३६ रन र अभिजित मण्डलले ८ बलमा २५ रन बनाए । महोत्तरीको तर्फबाट बलिङ विनेश सहनीले आठ ओभरमा २५ रन खर्चेर २ विकेट र सुकेश यादवले पाँच ओभरमा २९ रन खर्चेर २ विकेट लिएका थिए । महोत्तरीका नितेश यादव, अभिषेक तिवारी र रमण मण्डलले एक/एक विकेट लिए । खेलको म्यान अफ द म्याच अभिजित मण्डल घोषित भएका थिए । उनले पाँच विकेट लिएर ३१ रन बनाएका थिए । महोत्तरीकोतर्फबाट ब्याटिङ गर्दै सुभाष यादवले २० र अविनाश तिवारीले ११ रन बनाएका थिए ।
