जगरनाथपुर दाेस्राे अध्यक्ष कप क्रिकेट टुर्नामेन्टकाे उपाधि मसिहानीलाई
-
बिरेन्द्र यादब
- today९ मंसिर २०८०
१० मङ्सिर , बहुदरमाइ पर्सा // अग्निपथ मिडिया
पर्साकाे जगरनाथपुर गाउँपालिकामा भएकाे दाेस्राे अध्यक्ष कप क्रिकेट टुर्नामेन्ट २०८० काे उपाधी वडा नं. ५ मसिहानीले पाएकाे छ ।
गाउँपालिकाकाे वडा नं. ५ स्थित मदुवाहा क्रिकेट ग्राउन्डमा शनिबार भएकाे टुर्नामेन्टकाे फाइनल खेलमा वडा नं. ६ औंराहालाई हराउँदै मसिहानी विजयी भएकाे हाे ।
सुरुमा टस जितेर ब्याटिङ गरेकाे औराहाले १८ ओभर मै पुरै विकेटकाे गुमाउँदै ७९ रन बनाएकाे थियाे । त्यसपछि ८० रनकाे लक्ष्यकाे साथमा जवाफी ब्याटीङमा उत्रेकाे मसिहानीले १८ ओभरमै ७ विकेटकाे नाेक्सानीमा लक्ष्य पुरा गर्दै विजयी घाेषित भएकाे थियाे ।
विजेता टिम मसिहानीलाई प्रदेश सभा सदस्य एवम् नेपाली कांग्रेस पर्साका सभापति जनार्दन सिंह क्षेत्रीले पुरस्कार राशी रु ६० हजारकाे चेक र ट्रफी प्रदान गरेका थिए ।
पुरस्कार वितरण गर्दै सभापति क्षेत्रीले खेल अनुशासनकाे प्रतिक भएकाे वताए । उनले खेल जहिले पनि अनुशासित र मर्यादित भएर खेल्नु पर्ने वताए ।
कार्यक्रमका प्रमुख अतिथी समेत रहेका सभापति क्षेत्रीले खेलमा हार जित स्वभाबिक रहेकाेले मित्रतापुर्वक खेल्नु पर्ने वताए ।
