नेपालले ओमानविरूद्ध पहिले ब्याटिङ गर्ने

१९ , कार्तिक // अग्निपथ मिडिया

नेपालले ओमानविरूद्ध पहिले ब्याटिङ गर्ने निर्णय गरेको छ।

टी-२० विश्वकप एसिया छनोटको उपाधिका लागि त्रिवि क्रिकेट मैदान कीर्तिपुरमा बिहान ११ बजेदेखि सुरू हुने खेलमा नेपालले टस जितेर ब्याटिङ रोजेको हो।

आज दीपेन्द्रसिंह ऐरी खेल्ने छैनन्। उनको ठाउँमा सन्दीप जोरा स्टार्टिङ इलाभेनमा परेका छन्।

गत सोमबार बिहान त्रिवि मैदानमा सिंगापुरविरूद्धको खेलअघिको अभ्यासका क्रममा उनको गोलिगाँठोमा चोट लागेको थियो।

त्यसयता मैदानबाहिर रहेका उनले युएईविरूद्धको सेमिफाइनल भने खेलेका थिए। एसिया छनोटको सेमिफाइनल अघि ऐरीको स्थानमा विवेक यादवलाई खेलाइएको थियो।

ओमानविरूद्ध उत्कृष्ट प्रदर्शन गरेपछि सेमिफाइनलमा सन्दीप जोराको स्थानमा विवेकलाई खेलाइएको थियो।

आजको खेलमा ओमानविरूद्ध बदला लिँदै उपाधि जित्ने दाउमा नेपाल छ।

नेपाल र ओमान टी-२० क्रिकेटमा अहिलेसम्म पाँचपटक आमनेसामने भएका छन्। त्यसमा तीन खेल नेपाल र २ खेल ओमानले जितेको छ।

ओमानलाई उसकै घरेलु मैदानमा तीन पटक पराजित गरेको छ।

दुबै टिम आगामी वर्ष हुने टी-२० विश्वकपका लागि छनोट भइसकेका छन्।

;