टस जितेर ब्याटिङ गर्दै युएई , दीपेन्द्र सिंह ऐरी प्लेइङ ११ मा समेटिएका
-
मो.सगिर अलि
- today१६ कार्तिक २०८०
१७ कार्तिक // अग्निपथ मिडिया
चोटका कारण मैदान बाहिर रहेका अलराउन्डर दीपेन्द्र सिंह ऐरी युएईविरुद्धको खेल खेल्ने भएका छन्। टी-२० विश्वकपको एसिया क्वालिफार्यसअन्तर्गत मुलपानीमा हुने युएईविरुद्धको सेमिफाइनलमा ऐरी प्लेइङ ११ मा समेटिएका छन्।
दीपेन्द्र मैदानमा उत्रिँदा सन्दीप जोरा बेन्चमा छन्। मुख्य प्रशिक्षण मोन्टी देसाईले विवेक यादवलाई प्लेइङ ११ मा समेटिएका छन्। यसअघि जोरा प्लेइङ ११ मा समेटिँदा विवेक बेन्चमा रहँदै आएका थिए। ओमानविरुद्ध आक्रामक ब्याटिङ गरेका विवेकलाई मोन्टीले यसपटक मौका दिएका छन्।
यसैबीच युएईले टस जितेर पहिले ब्याटिङ गर्ने निर्णय गरेको छ। नेपालले युएईविरुद्ध फिल्डिङ गर्ने भएको छ। युएईलाई पराजित गरे नेपालले आगामी वर्ष अमेरिका र वेस्ट इन्डिजमा हुने टी-२० विश्वकपका लागि क्वालिफार्यस हुनेछ।
समूहचरणको खेलमा नेपालले सिंगापुर र मलेसियालाई हराए पनि अन्तिम खेलमा ओमानसँग ५ रनले पराजित हुँदै समूह उपविजेता बनेको थियो।
