‘धोनीको जिम्मेवारी मेरो काँधमा’ – हार्दिक
-
अग्निपथ सम्बादाता
- today१९ माघ २०७९
१९ माघ, एजेन्सी // Agnipath media
भारतीय क्रिकेट टोलीका अलराउन्डर हार्दिक पान्ड्याले महेन्द्रसिंह धोनीको सन्न्यासपछि त्यो जिम्मेवारी एक्कासी आफ्नो काँधमा आएको बताएका छन् । न्युजिल्यान्डलाई तेस्रो तथा अन्तिम टि२० आई खेलमा १ सय ६८ रनले पराजित गर्दै सिरिज जितेपछि कप्तान हार्दिक पान्ड्याले उक्त प्रतिक्रिया दिएका हुन् ।
‘मलाई माही (धोनी) ले खेलेको तल्लोक्रमको भूमिका निर्वाह गर्न कुनै आपति छैन । त्यो समयमा म भर्खरको थिए । पार्क वरिपरी हिर्काईरहेको हुन्थे । तर उनी गएपछि एक्कासी त्यो जिम्मेवारी मेरो काँधमा छ । नतिजा पाई रहेका छौं । यदि अलिकति ढिलो खेल्नु परेपनि ठिक छ’, कप्तान हार्दिक पान्ड्याले खेलपछि पत्रकार सम्मेलनमा भने ।
पान्ड्या तीन खेलको सिरिजमा प्लेयर अफ द सिरिज चुनिएका थिए । ‘मलाई छक्का प्रहार गर्न सधैं रमाईलो लाग्छ । तर यो त्यो जीवन हो । मैले विकाश गर्नुपर्छ । म पार्टनरसिपमा विश्वास गर्छु । र मेरो ब्याटिङ पार्टनर र टिमलाई म त्यहाँ छु भन्ने शान्तता दिन चाहन्छु । मैले यी कुनैपनि खेलाडीले भन्दा धेरै खेल खेलेको पनि छु’, उनले भने । त्यसैमा हार्दिकले थपे, ‘मैले कसरी दबाबलाई स्वीकार गर्ने, लिने र सबै कुरा शान्त छ भनेर सुनिश्चित गर्न सिकेको छु ।’
‘सायद मैले मेरो स्ट्राइकरेट कम गर्नुपर्ने हुन्छ । नयाँ भूमिका लिदा म सधैं आशाबादी हुन्छु । म नयाँ बल (सुरुवाती बलिङ) को भूमिका लिन चाहन्छु । किनभने कोहि आएर त्यो कठिन भूमिका लियोस भन्ने म चाहन्न । तिनीहरु दबाबमा छन् । त्यसपछि हामी खेल पछ्याउँदै छौं । म टोलीको नेतृत्व लिन्छु । म मेरो नयाँ बल कौशलमा काम गरि रहेको छु’, हार्दिकले भने ।
पछिल्लो समय बलिङमा पावर प्ले अर्थात सुरुमै बलिङ गर्दै राम्रो प्रदर्शन गर्दै आएका छन् । जितको लागि २ सय ३५ रनको विशाल विजयी लक्ष्य पछ्याएको न्युजिल्यान्ड १२.१ ओभरमा ६६ रनमा अल आउट भयो । भारतले आफ्नो टि२० आई इतिहासकै सर्वाधिक ठूलो जित हात पार्यो । उक्त जित हात पार्न हार्दिक पान्ड्याले ४ ओभरमा १६ रन खर्चेर ४ विकेट लिएका थिए ।
त्यसअघि कप्तान हार्दिकले अहमदाबादमा टस जितेर पहिला ब्याटिङ रोजेपछि भारतले निर्धारित २० ओभरमा ४ विकेटको क्षतिमा २ सय ३४ रन बनाएको थियो । ओपनर शुभमन गिलले ६३ बलमा १२ चौका र ७ छक्कासहित १ सय २६ रनको अविजित शतकीय इनिङ खेले ।
हार्दिकले १७ बलमा ३० रन जोडेका थिए । चौथो विकेटका लागि मात्रै ४० बलमा गिलसँग १ सय ३ रनको विष्फोटक शतकीय साझेदारी गरेका थिए । धोनीको कप्तानीमा २०१६ मा डेब्यू गरेका हार्दिकले पछिल्लो एक वर्षमा खेल्ने शैली परिवर्तन गरेको छन् । त्यसअघि तल्लोक्रममा ब्याटिङ गर्ने हार्दिकले चोटपछि पूनरागमन गर्दै गतवर्षदेखि मध्यक्रममा ब्याटिङ गर्दै आएका छन् ।
आइपिएलमा पहिलो पटक कप्तानी गर्दै गुजरात टाइटन्सलाई उपाधि जिताएपछि भारतले आयरल्यान्डको सिरिजदेखि हार्दिकलाई कप्तानको जिम्मेवारी दिएको थियो । हार्दिकलाई अव नियमित टि२० कप्तानको रुपमा हेरिएको छ । विशेष त भारतले २०२४ को विश्वकपलाई ध्यानमा राख्दै खेलाडी प्रयोग गर्दै आएको छ ।
