विरगंज मेयर राजेशमानसिंहले आन्दोलनरत पीडितसित माँगे माफी: जनतामुखी राजनीति र जनसेवाको असल नमूना कहाँ हरायो?
-
अग्निपथ सम्बादाता
- today२६ आश्विन २०८१
विरगंज महानगरपालिकाका मेयर राजेशमान सिंहले फेरि एक पटक पुरानो शैलीलाई दोहोर्याउँदै हात जोडेर माफी मागेपछि धर्ना स्थगित भएको छ।
जनताको दबाब र पिडित परिवारको क्रोधको सामना गर्न नसकेर, मेयर सिंहले प्रजिअ दिनेश सागर भुषाल, एसपी कुमुद ढुङेल, र पिडित परिवारको उपस्थितिमा 'काका गल्ती भयो, माफ गरिदिनुस्' भनेर माफी मागे। रोशन लामिछानेका अनुसार, बुवाले सिंहको माफी स्वीकार गरेपछि धर्ना अन्त्य भएको हो। तर यो घटना मेयर सिंहको पुरानो शैलीको मात्रै प्रतिबिम्ब होइन, यो घटनाले हाम्रो देशको राजनीतिक चरित्रमा रहेको गहिरो समस्यालाई उजागर गरेको छ।
सिंहको यो शैली— आफूभन्दा कमजोरलाई दबाउने र बलियासँग माफी माग्ने— कुनै नौलो होइन। यस्ता नेताहरू जनताको सेवा गर्न भन्दा पनि आफ्नो व्यक्तिगत स्वार्थ र कुर्सी जोगाउन मात्र अग्रसर हुन्छन्।
सामाजिक सञ्जालमा यस घटनाप्रति चौतर्फी आलोचना भइरहेको छ। जनता यस्ता नेताहरूको झुठो माफी र कुटिल चाललाई अब सजिलै पचाउँदैनन्। सिंहजस्ता जनप्रतिनिधिहरूको चरित्र अब जनताले राम्ररी चिनेका छन्।
सत्यता भनेको केवल शब्द होइन, जनताले माफीको पछाडि लुकेको असली नियतलाई प्रस्ट बुझिरहेका छन्। हाम्रो देशमा राम्रो राजनीतिक नेतृत्वको अभावले जनतालाई निराश र असन्तुष्ट बनाएको छ। जनप्रतिनिधि भनेको जनताको सेवक हो, तर अहिलेको यथार्थता भने यसको विपरीत छ। नेताहरूले आफ्नो कर्तव्य बिर्सेका छन्, उनीहरू जनताको भलाइमा भन्दा आफ्नो शक्ति कायम राख्नमै लागिरहेका छन्।
कहिलेसम्म जनता पीडित बन्नेछन्? कहिलेसम्म यस्ता नेताहरू जनतालाई दुःख दिनको लागि राजनीति गर्नेछन्? हाम्रो देशमा असल राजनीति र इमानदार नेतृत्वको खाँचो छ। राम्रो नेतृत्व भनेको जनता प्रतिको जिम्मेवारी, पारदर्शिता र जनसेवाको लागि संघर्ष गर्ने नेताहरू हुन्। जनता मालिक हुन्, र नेताहरू जनताको दास हुन्— यस वास्तविकतालाई बुझ्नको लागि अझै लामो यात्रा बाँकी छ।
जनता अब जागरुक छन्, र यस्ता नाटकबाज नेताहरूको भविष्य लामो हुन सक्दैन। राम्रो राजनीति भनेको केवल कुर्सीको खेल होइन, यो जनताको हितमा निष्ठासाथ काम गर्ने कला हो। देशले राम्रो नेतृत्वको आवश्यकता राखेको छ, र अब समय आएको छ कि जनता यस्तो नेतृत्व खोज्न थाल्छन्।
