अब पालिकाको अध्यक्षमा जान्छु, प्रदेश सांसदहरु बेकामे भए - दिपक मनाङ्गे
-
अशोक यादब
- today२५ भदौ २०८१
६ पटक मन्त्री बनेका दिपक मानगेले आफू अब पालिकाको अध्यक्षमा जान चाहेको बताएका छन्। उनले पालिकामा बसेर विकासको कामलाई प्रभावकारी रुपमा अगाडि बढाउन सकिने बताउँदै भने, "पालिकामा आफ्नै सोच हुन्छ, कसरी विकास गर्ने, कसरी पर्यटन र कानुन जस्ता क्षेत्रलाई अघि बढाउने भन्ने कुरा आफैले हेर्नुपर्छ।
" प्रदेश सांसदहरूलाई उनले "बिचारा" भन्दै आलोचना गरेका छन् र भने, "उनीहरुले बुझेकै छैन, १ देखि डेढ करोड रूपैयाँ चुनावमा खर्च भैसक्यो। कतै कसैको घर बन्धकमा राखिएको छ, कसैको जग्गा गइसकेको छ। यिनीहरु सबै बेवकुफ हुन्। प्रदेशमा अहिले कुनै काम नै छैन। पावर नदिने हो भने प्रदेश कसरी हुन्छ?"
गाउँपालिकाको अध्यक्ष बन्नुको कारणबारे उनले भने, "आफ्नो गाउँ बनाउनुपर्यो, आफ्नो गाउँको सिस्टम राम्रो राख्नुपर्यो।" पत्रकारले उनलाई अर्को पटक वडाध्यक्ष होइन भन्ने प्रश्न गर्दा, उनले भने, "मेरो वडा त राम्रै छ। मैले लड्ने भनेको अर्काको वडामा गएर लड्छु। मेरो बानी नै हो, आफ्नो ठाउँमा नलड्ने, अर्को ठाउँमा गएर लड्ने। अर्काको वडामा गएर सानो टुक्रा जग्गा किनेर लड्न पाइहालिन्छ नि।" उनको यो भनाइले उनको नयाँ ठाउँमा काम गर्न चाहने स्वभावलाई स्पष्ट पार्छ।
