गाउँमै सुविधासम्पन्न अस्पताल बनेपछि बंगलाचुली बासिन्दा दङ्ग
-
अग्निपथ सम्बादाता
- today२० भदौ २०७९
बंगलाचुली गाउँपालिका दाङको दुुर्गम पहाडी क्षेत्र हो, जहाँ स्वास्थ्योपचारका लागि स्थानीयवासी सहरतिर धाउन बाध्य हुँदै आएका थिए । खानेपानी, बिजुली, यातायात र अन्य भौतिक संरचनाको अभाव रहेको सो पालिकामा अब भने स्थानीयवासीले गाउँमै स्वास्थ्य उपचार पाउने भएका छन् ।
स्थानीय सरकारले १५ शय्याको अस्पताल सञ्चालन गरेपछि उपचारका लागि बाहिर जानुपर्ने अवस्था करिबकरिब अन्त्य भएको बंगलाचुुली गाउँपालिका वडा नं. ३ निवासी मेनका वलीले बताइन् । ‘अस्पतालको नाममा सानो स्वास्थ्यचौकी थियो, अहिले गाउँमा ठूलो अस्पताल बनेको छ,’ उनले भनिन्, ‘ठूला रोग लागेमात्रै अन्यत्र जानुुपर्छ, अरु उपचार गाउँमै मिलेको छ ।’
उनीमात्रै होइन, स्थानीय सावित्री विक पनि गाउँमै सुविधासम्पन्न अस्पताल बनेकोमा दङ्ग छिन् । ‘सुत्केरी व्यथा लाग्दा पनि गाउँमा अस्पताल नहुँदा रातातार बाहिर लैजानुपर्ने अवस्था थियो,’ उनले भनिन्, ‘हामीलाई अब अस्पतालको दुःख छैन । गाउँमा ठूलो अस्पताल बनेको छ, ठूला डाक्टर आएका छन् ।’
उनीमात्रै होइन, स्थानीय सावित्री विक पनि गाउँमै सुविधासम्पन्न अस्पताल बनेकोमा दङ्ग छिन् । ‘सुत्केरी व्यथा लाग्दा पनि गाउँमा अस्पताल नहुँदा रातातार बाहिर लैजानुपर्ने अवस्था थियो,’ उनले भनिन्, ‘हामीलाई अब अस्पतालको दुःख छैन । गाउँमा ठूलो अस्पताल बनेको छ, ठूला डाक्टर आएका छन् ।’
