प्रतिनिधि सभा सदस्य उम्मेदवार राजकुमार गुप्ताले घरदैलो कार्यक्रममा तिब्रता दिए
-
अग्निपथ सम्बादाता
- today२० कार्तिक २०७९
अग्निपथ मिडिया
पर्सा, २१ कार्तिक । नेपाल कम्युनिष्ट पार्टी एमालेबाट पर्सा क्षेत्र नं ३ का प्रतिनिधि सभा सदस्य उम्मेदवार राजकुमार गुप्ताले घरदैलो कार्यक्रममा तिब्रता दिएका हुन् । घरदैलो कार्यक्रममा मतदाताहरुले नेता गुप्तालाई फूलको माला अबीर लगाई स्वागत गरेका हुन ।
प्रतिनिधि सभा सदस्य उम्मेदवार राजकुमार गुप्ता र प्रदेश सभा सदस्य उम्मेदवार मंजूर अंसारी सहितको नेता तथा कार्यकर्ताहरुले पटेर्वा सुगौली गाउँपालिकाको वडा नं १ र २ को सोनवर्षा , देकुली , मालाहि टोल , सानो देकुलि लगायतको गाउँमा घरदैलो गरेका हुन ।
घरदैलो कार्यक्रम बृद्धबृद्धा तथा महिलाहरूको उत्साहजनक सहभागिता रहेको थियो । घरदैलो कार्यक्रम क्रममा आम मतदाताहरुले ४ चोटी जिताई मन्त्री समेत बनाएका सांसदले केही नगरेकोले उनको विकल्प स्वरूप हामीले नेकपा एमाले लाई नै मतदान गर्नेछौ भने प्रतिवद्धता जनाएका छन् ।
घरदैलो कार्यक्रम प्रदेश कमिटी सदस्य एवंम प्रदेश सभा सदस्यका समानुपातिक उम्मेदवार तेजप्रकाश निषाद , जिल्ला कमिटी उपसचिव संजिव मिश्रा , राष्ट्रिय युवा संघ नेपाल पर्सा जिल्ला अध्यक्ष महमद निजाम , नेता फरमान मियाँ , मन्तुरा देवी , कृष्णा कुशवाहा लगायतको उपस्थिति रहेको थियो।
