पूर्वराष्ट्रपति र उपराष्ट्रपति फेरि राजनीतिमा आउनुलाई कसरी लिनु भएको छ?, देउवाको जवाफ- मलाई थाहा छैन
-
अमन गुप्ता
- today२१ भदौ २०८२
नेपाली कांग्रेसका सभापति शेरबहादुर देउवाले पूर्वराष्ट्रपति र उपराष्ट्रपति राजनीतिमा पुन: सक्रिय भएको विषयमा टिप्पणी गर्न आनाकानी गरेका छन्।
आज विराटनगर विमानस्थलमा सञ्चारकर्मीहरूसँग कुरा गर्दै देउवाले यसबारे आफूलाई केही थाहा नभएको भन्दै पन्छिएका हुन्।
पूर्वराष्ट्रपति, उपराष्ट्रपति राजनीतिमा फेरि सक्रिय भइरहेको र यसबारे टिकाटिप्पणी पनि उत्तिकै भइरहेको विषयलाई कसरी लिनु भएको छ भन्ने प्रश्नमा उनले भने, 'मलाई केही थाहा छैन। संविधानले केही पनि भनेको छैन। मलाई त्यति जानकारी छैन।’
अहिले पूर्वराष्ट्रपति विद्यादेवी भण्डारी र पूर्वराष्ट्रपति नन्दकिशोर पुन राजनीतिमा सक्रिय भएका छन्। भण्डारी एमालेबाट सक्रिय राजनीतिमा होमिने तयारी गरिरहँदा पार्टी नेतृत्वले रोक्ने प्रयास गरिरहेको छ भने पुनलाई माओवादीले उपाध्यक्षकै जिम्मेवारी दिइसकेको छ।
त्यस्तै देउवाले अहिले मन्त्री फेरबदलको कुनै योजना नरहेको पनि बताए। 'अहिले मन्त्री फेरबदर हुँदैन' देउवाले भने।
