आलोकनगरमा प्रचण्ड–माधव भेट: वाम एकता र समाजवादी मोर्चा सक्रियतामाथि छलफल
-
बिशाल यादब
- today१७ भदौ २०८२
काठमाडौं, १७ भदौ — नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ र नेकपा (एकीकृत समाजवादी) का अध्यक्ष माधवकुमार नेपालबीच आज भेटवार्ता भएको छ।
प्रचण्ड आज आलोकनगरस्थित एकीकृत समाजवादीको पार्टी कार्यालयमा पुगेका थिए। दुई नेताबीच वामपन्थी एकता र समाजवादी मोर्चालाई थप सक्रिय बनाउने विषयमा गम्भीर छलफल भएको स्रोतले जनाएको छ।
भेटवार्तामा माओवादी केन्द्रका महासचिव देव गुरुङ र एकीकृत समाजवादीका उपाध्यक्ष राजेन्द्र पाण्डे पनि सहभागी थिए। पछिल्लो समय बाम शक्तिबीच एकता प्रयास फेरि चुलिँदै गएको सन्दर्भमा आजको यो भेटलाई महत्त्वपूर्ण रुपमा हेरिएको छ।
