भैरहवामा गोलघरजस्तै ठाउँमा राखिएको रविले गुनासो गरे: प्रचण्ड
-
मेराज हास्मी
- today४ भदौ २०८२
काठमाडौं- आफूलाई भेट्न नख्खु कारागार पुगेका माओवादी अध्यक्ष पुष्पकमल दाहालसँग राष्ट्रिय स्वतन्त्र पार्टी (रास्वपा) सभापति रवि लामिछानेले भैरहवा कारागारमा आफूलाई धेरै ठूलो पीडा भएको गुनासो गरेका छन्।
माओवादी अध्यक्ष दाहाल बुधबार लामिछानेलाई भेट्न नख्खु कारागार पुगेका थिए।
अध्यक्ष दाहालले भैरहवामा लामिछानेलाई झन्डैझन्डै गोलघरको जस्तो अवस्थामा राखिएको बताएको जानकारी भेटेर निस्केपछि दिएका थिए।
‘भैरहवामा उहाँको भाषामा भन्ने हो भने झन्डै झन्डै गोलघरजस्तै गरि राखियो भन्ने थियो, धेरै ठूलो पीडामा भएँ म भन्ने थियो । सामान्यत: यहाँको बसाइ, खानपिन सबै भैरहवाको तुलनामा धेरै राम्रो छ भनेर प्रशंसा पनि गर्नुभयो,’ दाहालले भने।
गत शनिबार भैरहवा कारागारबाट नख्खु सारिएका लामिछाने अस्वस्थ भएपछि चिकित्सकहरूले विभिन्न परीक्षण पनि गरेका थिए।
