कुलमानको पालामा निरन्तर बढेको प्राधिकरणको नाफा घट्यो, हितेन्द्र भन्छन विद्युत बिक्रीमा कमी भयो।
-
बिशाल यादब
- today१ भदौ २०८२
नेपाल विद्युत प्राधिकरणले आर्थिक वर्ष २०८१/८२ मा ९ अर्ब ६ करोड ७० लाख रुपैयाँ नाफा कमाएको छ। अघिल्लो वर्षको तुलनामा यो नाफामा ३७.३२ प्रतिशतको गिरावट आएको प्राधिकरणले जनाएको छ।
आर्थिक वर्ष २०८०/८१ मा प्राधिकरणले १० अर्ब ५३ करोड रुपैयाँ नाफा आर्जन गरेको थियो। कुलमान घिसिङको नेतृत्वमा प्राधिकरणले निरन्तर नाफा देखाइरहेको बेला, उनका बर्खास्तपछि नाफामा ओरालो आएको विश्लेषकहरूको दाबी छ।
प्राधिकरणका कार्यकारी निर्देशक हितेन्द्रदेव शाक्यका अनुसार, विदेशी मुद्रा जापानी येनमा भएको अधिमूल्यन, प्रशासनिक खर्चमा वृद्धि र औसत विद्युत विक्री मूल्यमा कमी जस्ता कारणले नाफामा कमी आएको हो। उनले आगामी वर्षमा नाफा वृद्धि हुने दाबी पनि गरे।
