रवि लामिछानेलाई काठमाडौँ ल्याइयो
-
बिशाल यादब
- today३१ श्रावण २०८२
काठमाडौँ – राष्ट्रिय स्वतन्त्र पार्टीका सभापति रवि लामिछानेलाई काठमाडौँ ल्याइएको छ।
उनलाई रुपन्देही कारागारबाट नख्खु कारागार सरुवा गरिएको हो। उनलाई हवाईमार्गबाट शनिबार अपराह्न काठमाडौँ ल्याइएको हो।
उनलाई काठमाडौँ ल्याइने भएपछि रास्वपाका नेता–कार्यकर्ताहरूसमेत विमानस्थल पुगेका थिए। तर, उनलाई आयल निगमको बाटोबाट लुकाएर बाहिर निकालिएको थियो।
रविले आफूलाई काठमाडौँ सरुवाका लागि निवेदन दिएपछि अदालतले पनि अनुमति दिएको थियो। तर, गृह मन्त्रालयको दबाबका कारण उनलाई रुपन्देही कारगारबाट सरुवा गरिएको थिएन।
रविले कारागारमा आफूलाई अमानवीय तरिकाले राखिएको बताएपछि केही दिनअघि राष्ट्रिय मानवअधिकार आयोगले रुपन्देही कारागार अनुगमन गरेको थियो।
अनुगमनपछि रविलाई मानवअधिकारको मापदण्डअनुसार नराखिएको र उनलाई असुरक्षा रहेको आयोगले बताएको थियो। आयोगको अनुगमनपछि चौतर्फी दबाब बढेपछि सरकारले रविलाई कारागार सरुवा गरेको हो।
