"कीर्तिपुरको डाँडाबाट महिनामा ४ लाख कमाउने सपना: ल्यापटप बेच्ने कि बनाउने?"
-
राजु कुशवाहा
- today१५ मंसिर २०८१
नेपालका चर्चित नेताहरूमध्ये गगन थापाले हालसालै एउटा यस्तो घोषणा गर्नुभएको छ, जसले केवल कीर्तिपुरवासीलाई मात्र होइन, सिंगो देशलाई चकित बनाएको छ। उहाँको भनाइ अनुसार, "कीर्तिपुरलाई यस्तो नमुना नगर बनाउनेछौं, जसको घरबाट निस्केका बच्चाहरूले ७-८ वर्षमा कीर्तिपुरको डाँडाबाट हातमा ल्यापटप राखेर महिनाको २ लाख, ३ लाख, ४ लाख कमाउनेछन्।"
तर यो घोषणाले धेरैको टाउको दुखाइ सुरु गरेको छ। "त्यस्तो अवस्था आयो भने, ल्यापटप बेच्ने व्यापारले राम्रो चल्ने देखिन्छ," एक स्थानीय व्यवसायीले व्यंग्य गर्दै भने। अर्कातर्फ, समाजशास्त्रका विज्ञले भने, "पहिला डाँडामा इन्टरनेट त पुर्याउनुहोस्, अनि मात्र ल्यापटप चलाएर कमाउने कुरा गर्नुहोस्।
कीर्तिपुरको डाँडाबाट यति धेरै आम्दानी हुने हो भने त हामी विश्व बैंकलाई ऋण दिनसक्ने अवस्थामा पुग्छौं।" सामाजिक सञ्जालमा पनि यो विषयले ट्रोलको बाढी ल्याएको छ। एक प्रयोगकर्ताले भनेका छन्, "७-८ वर्षमा कीर्तिपुरका बच्चाहरू ४ लाख कमाउने हैन, ४ लाख ऋण तिर्दै विदेश जाने तयारी गर्दैछन्।" यद्यपि, गगनजीको यो ‘महत्त्वाकांक्षी योजना’ले सकारात्मक चर्चासमेत कमाएको छ।
"सपना देखाउन कुनै कर लाग्दैन, त्यसैले सबैले आ-आफ्नो क्षेत्रमा यस्तै सपना देख्न थाल्नुपर्छ," एक विश्लेषकले भने। अब देख्न बाँकी छ, कीर्तिपुरको डाँडामा ल्यापटप चलाएर ४ लाख कमाउने सपना भविष्यमा वास्तविक बन्छ कि, केवल कफी गफको विषयमात्र रहन्छ।
